ഗ്രേവിയില്‍ ഉപ്പ്‌ ചേര്‍ക്കുന്നതിനു പകരം സോയാസോസ്‌ ചേര്‍ ക്കുക. ഗ്രേവിക്ക്‌ നിറവും ഫ്ലേവറും വേറെ ചേര്‍ക്കേണ്ടി വരില്ല.
കൂണ്‍ വിഭവങ്ങള്‍ അലുമിനിയം പാത്രങ്ങളില്‍ പകം ചെയ്യരുത്‌.കൂണ്‍ കറുത്ത്‌ പോകും.
പാചകം ചെയ്യുമ്പോള്‍ വെള്ളം തിളക്കുന്നത്‌ വരെ ഉപ്പ്‌ ചേര്‍ക്കരുത്‌.ഉപ്പ്‌ ചേര്ക്കുന്നത് വെള്ളം തിളക്കുന്നത്താമസിപ്പിക്കും.
കായ, കിഴങ്ങ്‌, ഉപ്പേരികള്‍ മൊരുമൊരെ കിട്ടാന്‍ അവ വറുക്കുമ്പോള്‍ അതിനു മേലെ ഉപ്പ്‌ വെള്ളം തളിക്കുക.
ബദാം പെട്ടെന്ന്‌ തൊലി കളയുന്നതിന്‌ അത്‌ ചെറു ചൂട് വെള്ളത്തില്‍ ഒരു മിനിട്ട്‌ നേരം ഇട്ട്‌ വക്കുക.
കറിയില്‍ ഉപ്പ്‌ കൂടിയാല്‍ കുറച്ച് തേങ്ങ തിരുമ്മിയതും ജീരകപൊടിയും ചേര്‍ത്തിളക്കുക.
അപ്പത്തിന് അരയ്ക്കുന്ന അരിയോടൊപ്പം അല്‍പം ഉഴുന്ന്‌ അരയ്ക്കുക. തേങ്ങാവെള്ളം പഞ്ചസാരചേര്‍ത്ത്‌ ഫ്രിഡ്ജില്‍ സൂക്ഷിച്ചാല്‍ അപ്പത്തിന് അരയ്ക്കുന്ന വെള്ളത്തിന്‌ പകരം ഈ ലായനി ഉപയോഗിക്കാം.
അപ്പമുണ്ടാക്കാന്‍ പുട്ടുപൊടി പരുവത്തില്‍ മാവ്‌ വറുത്താലും മതി. മാവ്‌ കലക്കാന്‍ പശുവിന്‍പാല്‍ ഉപയോഗിക്കാം. തേങ്ങാവെള്ളമൊഴിച്ച്‌ അപ്പമുണ്ടാക്കുമ്പോള്‍ അല്‍പം ചൂടുള്ള പാല്‍ കൂടി ചേര്‍ക്കുക.
അപ്പം ചട്ടിയില്‍ പിടിക്കാതിരിക്കാന്‍ അപ്പമുണ്ടാക്കുന്നതിന്‌ മുമ്പ് ചട്ടിയില്‍ ഒരു ബുള്‍സൈ ഉണ്ടാക്കുക. അപ്പത്തിന് നല്ല മാര്‍ദ്ദവം വേണമെന്നുണ്ടോ. അപ്പം ചുടുന്നതിനു മുന്പ് ഒരു മുട്ട ഉടച്ചു ചേര്‍ക്കുക. നല്ല മാര്‍ദ്ദവം കിട്ടും.
പായസം വയ്ക്കുമ്പോള്‍ ശര്‍ക്കര നല്ലവണ്ണം അരിച്ച് എടുക്കണം. മാലിന്യങ്ങള്‍ നീക്കം ചെയ്തില്ല എങ്കില്‍ രുചിവ്യത്യാസം ഉണ്ടാവും. അരി വെന്തതിനു ശേഷം മാത്രമേ ശര്‍ക്കര ചേര്‍ക്കാവൂ അല്ലെങ്കില്‍ വേവ് കുറയും.
പായസത്തിനു മധുരം കൂടിപ്പോയോ? വിഷമിക്കേണ്ട, കുറച്ചു പാല്‍ കൂടി ചേര്‍ത്താല്‍ മതിയാവും. കുറുകിപ്പോയാലോ, അല്‍പ്പം തേങ്ങാപ്പാല്‍ കൂടി ചേര്‍ത്താല്‍ മതിയാവും.
പായസത്തില്‍ അണ്ടിപ്പരിപ്പ്, ഉണക്കമുന്തിരി ഇവ നെയ്യില്‍ വറുത്ത് ഇട്ടാല്‍ രുചി കൂടും. ഏലക്ക, ചുക്ക്, ജീരകം ഇവ പൊടിച്ച് ചേര്ക്കുന്നത് ആസ്വാദ്യമായ ഗന്ധം നല്‍കും.
സേമിയ തിളച്ച വെള്ളത്തില്‍ വേണം വേവിക്കാന്‍. നെയ്യില്‍ വറുത്ത് വേവിച്ചാല്‍ വെന്ത് കലങ്ങുകയില്ല.
അധികം വരുന്ന പായസം അല്‍പ്പം പാല്‍ കൂടിചേത്ത് കുറുക്കി ഫ്രിഡ്ജി സൂക്ഷിക്കാം. ഇത് അടുത്ത ദിവസം ഉപയോഗിച്ചാല്‍ രുചിവ്യത്യാസം തോന്നില്ല.
|
|||||||||||||||||||||||||||||||||||||||||||||||||||
